Cetîn Nezan /  Gießen

Li Ewropa bi taybetî jî li Almanya, her roj nûçeyêk nû di derbarê despêkirina dersa Kurdî tê weşandin. Niha jî nûçeyek ji bajarê Gießen ya Almanya hat. Li Gießenê kursa zimanê Kurdî destpê kir.

Li bajarê Gießen ya li ser eyaleta Hessenê ku nufûsek zêde ya Kurdan lê dijîn bi şiklek fermî kursa Kurdî destpêkir. Bi hevkariya Însiyatifa Parastina Zimanê Kurdî û Saziya Perwerdehiyê ya bajarê Gießenê Volkshochschule ve, wek 2 pol bi eleqeyek mezin kursa Kurdî destpê kir.

Rêvebirê ÎnsiyatÎfa Parastina Zimanê Kurdî Vahit Duran got li ser daxwaza endamên me û Kurdên ku li bajêr dijîn, me dest bi kursê kir û wiha pê de çû: “Li piraniyên eyalet û bajarên Almanya kursên Kurdî bi salane ku berdewamin. Lê mixabin li bajarê me tune bûn. Him endamên komela û Însiyatifa Parastina Zimanê Kurdî, him jî Kurdên ki li baiêr dijîn her tim daxwaza kursa Kurdî dikirin. Li ser daxwazê, me ser li Volkshochschule yê da. Wan jî, ji me re, bingeha kursê amede kirin. Pol û her wiha pêdivîyên teknîkê Volkshochschule bich tîne. Me jî materyal û mamoste amede kir”

Duran destnîşan kir ku, piştî kurs bidawî bibe wê sertifika jî bidin û got: “Volkshochschule saziyek fermî ye di warê ziman û perwerdehiyê de xebatên wan henin. Piştî perwerdehî bi dawî bibe, wê sertifika jî bide. Sertifîa ya Volkshochschule wek fermî tê qebûl kirin. Eleqeyek zêde nîşanê dersên Kurdî hatin daiyên, xwendekaran qeydên xwe çêkirin ew yek jî me kêfxweş kir û bi vê motîvasiyonê em hêvîdarên ku wê Kursên me êdî li bajarê Gießenê her tim berdewam be. “





Mamosteyê Dersa Kurdî Seyfettin Demir bi taybetî qala girîngiya zimanê zikmakî kir û got: “Her çiqas eleqeya ku li hemberê ziman tê nîşandin me kêfxweş bike jî, mixabin ev pirsgirêka zimanê Kurdî bi qûrsa çareser nabe. Divê perwerdehî bi zimanê zikmakî pêk were. Kurs divê ji bo kesên biyanî ku dixwazin zimanê Kurdî hîn bibin were dayîn, lê mixabin em Kurd diçin kursan û dixwazin zimanê xwe hîn bibin. Ev yek mixabin pirsgirêka sedsalan e ku berdewam e. “

Seyfettin Demir got:”Li Giesên me 2 kurs di heman heftê de destpê kir. Asta yekemin ji bo kesên ku qet bi kurdî nizanin û kesên biyanî ev kurs hate vekirin. Çend xwenedkarên me yên Almanî û biyanî jî henin. Asta bilind jî, ji bo Kurdên kuli Almanyayê dijin,  bi Kurdî dizanin, di jiyana xwe ya rojane de jî, ligel Almanî bi Kurdî jî diaxifin lê rastnivis, gramer nizanin hatiye amadekirin. Di vê kursê de bi giranî em li ser gramera Kurdî disekinin.

Mamosteyê kursa asta bilind Mesut Kızmaz e. Mamoste Mesut Kızmaz li zaningeha Artûkliya Mêrdînê di beşa Kurdî de mastir kiriye, wê li ser giramer û rastnivisê bisekine.

Mesut Kızmaz bal kişand ser kêmasî û pirsgirêkan û wiha got: “Mixabin axaftina bi Kurdî her roj kêmtir dibe. Yên ku bi Kurdî diaxifin jî gramer û rastnivisê nizanin. Standertek li ser zimanê Kurdî hêj çênebiye. Daxwaza me ewe ku bi dersa gramerê ve em bandora herêmî ji holê rabikin û zimanek standart pêk bînin kû gişî herêm dikaribin hev fêm bikin. Cûdatî ji nav herêman rabe. Lê mixabin ev yek jî, tenê bi Kursa ne mimkûn e. Bi medya û saziyên ziman ve divê were çareserkirin. Eleqaya kursa kurdî hêviyên me geş kirin. Em hêvidarin ku, ev pirsgirek gişî ji holê rabibin.

Xwendekar Sinan Hatay kêfxweşiya xwe ya ji bo kursê wisa anî ziman: “Mixabin li malê em bi Almanî an jî bi Tirkî diaxifin. Em li Almanya mezin bûn, xanima min jî li Stenbolê mezin bûye. Zimanê kurdî di jiyane me ya rojane de cihek fireh nagire. Ez jî, xanima min jî, em Kurdî gelek baş nizanin. Ji ber vê yekê me xwest em Kurdî ya xwe pêşve bibin û di jiyana rojane de bikar bînin. Niha ez têm kursa asta bilind, xanima min jî di pola sereke da ye.”

Sinan Hatay dibêje armanca me ewe ku em li malê bi Kurdî biaxifin; “Heke em Kurdî di jiyana xwe ya rojane de bikar neynin, zarokên me wê bi tevahî ji Kurdî dur bikevin û qet bi Kurdî nizanibin. Niha armanca me ewe ku, em Kurdiya xwe, zimanê xwe yê zikmakî pêşve bibin, bi zarokên xwe re jî, bi Kurdî biaxifin ku zarokên me ji niha ve fêrê Kurdî bibin.”

Ciwan Kobanî Kurdê Suriyê ye û bû 4 sal e ku li Almanyayê dijî bal dikşîne ser girîngiya dersa Kurdî û dibêje: “Mixabin li Sûriyê Kurdî qedexe bûn. Di saziyên fermî de û di tu dibistanan de Kurdî tunebin. Belê me li mala xwe, bi hevalên xwe re bi Kurdî diaxifiyan lê em nikaribû bi rêk û pêk hînê zimanê xwe bibana. Li Almanyayê derfetek wisa çêbû. Bi organizasyona Însiyatifa Parastina Zimanê Kûrdî û Volkshochschule kurs hate vekirin. Ji ber vê yekê em gelek kêfxweşin.

Ciwan Kobanî got ev xebatê Însiyatîfa Parastina  Zaminê Kurdî gelek girîng e. Em hêvîdarên ku ev însiyatîf wasifeya xwe bike û zimanê Kurdî biparêze û pêşve bibe.