Îro 08.12.2019ê li bajarê Hewlêrê bi armanca zêdetir birêxistina zimanê ragehandinê, konferansa zimanê ragehandinê, pirsgirêk û çareseriyên wê birêve diçe, ku çend panelan ve dê gotûbêj li ser bên kirin.

Konferans ku bi beşdariya nûnerên akademiya kurd, wezareta rewşenbîrî û ciwanan a hikûmeta herêma Kurdistanê û mamostayên zankoyê ve hatiye birêxistin û di konferansê de pirsgirêk û astengiyên li pêş ragehandina kurdî bo zimanê kurdî derdikevin pêş dê b3en guftûgo kirin.

Cîgirê akademiya kurdî Dr. Necatî Ebdul di gotarekî de got: ‘’Kar kirin li ser zimanê kurdî, di çapemeniyê de, kar kirina zanistî û siyaseta ferhengî ya bi hûrgilî û ramana zanistî divê. Pêwîste em vê rêyê her derbas bikin. Eger em wek civatekî netewî xwe pênase dikin divê wan rêyan em derbas bikin.’’

Herwaha got: ‘’Piştî Raperînê û damezrandina hikûmeta herêma Kurdistanê, nivîsandina bi zimanê kurdî zêde bû ku li gel berî raperînê, nayê muqayese kirin li gel berî raperînê û ev yek pêwîstiya wê bi leşkerên nivîskar heye. Hat wergêr kirin û ragehandkar hebû ku divê bi wergêrê û ragehandinê û belav kirina bi zimanê kurdî ve vê qadê tejî bike.’’

Herwaha got: ‘’Ev li gel xwe bû kêrekî du serî, ji aliyekî hem nivîsandina kurdî berfireh kir û ji aliyê din ve jî rast nivîsa bi zimanî kurdî û wergêra seqet û tejî xeletî û zimanekî bêserber ê kurdî anî nav cîhana nivîsandinê ku çend destkeftên wê hebûn ewqas jî ziyanên wê jî hene.’’

Di çend salên borî de ji ber zêdebûna çapemeniyên cuda cuda yên wek dîtbarî, bîhîstkarî û nivîskî li herêma Kurdistanê û bi taybet jî çapemeniya elektronîk û şaraza nebûna ragehandkaran a bi zimanê kurdî, metirsiya têkçûn û ji rêderketinê bo zimanê kurdî zêde kir. Ev yek jî bûye xem ku şaraza û pisporên vê beşê gelek konferans û semîneran ve pirsgirêkan bilêv bikin û çareseriyên wê aşkera bikin.