Îro li Bakûrê Kurdistan û Tirkiyê deriyên dibistanan hatin vekirin û sala nû ya xwendinê bi rêkarên taybet ên xweparastina ji Coronayê destpê kir.

Destpêkirina sala nû ya xwendinê di demekê de ye, ku pandemiya Coronayê li Tirkiyê û Bakurê Kurdistanê berdewam e û rojane xelk bi vê vîrusê dikevin û bi dehan kes ji nexweşên vê jî canê xwe ji dest didin. Berpirsên perwerdehiyê yên Tirkiyê ragihandine, ku destpêkirina sala nû ya xwandinê bi berçavgirtina rêkarên xweparêziya ji vîrusa Coronayê ye.

Îro derdora 2 milyon zarokên pola 1 a seretayî û baxçeyên sawayan dê biçin dibistanan, lê di heftiya yekem de dê tenê rojekê dewamê bikin û di heftiya duyem de jî dê 2 rojan biçin dibistanê û 5 rojan li malê bin.

Ew rojên ku xwendekar diçin dibistanê jî dê rojê tenê 5 wane bên xwendin, ji bo her waneyekê, tenê 30 xûlekan xwendekar dê li polên xwandinê rûnin.

Herwiha di her poleke xwendinê de, dê tenê 2 rêzên maseyan bihên danîn.

Li gor biryara Wezareta Perwerdeya Tirkiyê, li Bakurê Kurdistan û Tirkiyê firoşgehên nav dibistanan nayên vekirin û xwendkear di nav dibistanan de ti tiştekê naxwin.

Salên bihorî di serdemên vebûna mekteban de di dawiya meha Tebax û despêka meha îlonê da ew firoşkarên bi firotina kelûpelên zarokan bi dahateke mezin rojane kar dikirin, ji ber rewşa nedîyar evroj gelek gilîdar in.

Îskan Çîçek, firoşkarê kelûpelên dibistanê li Amedê got: “Mekteb yê sibe dusib vebe lê mêze kin îş nabe.Di alê ekonomîyê da jî gel di sefaletê da ye.Îro ji bo xwendekarekî mesrefa ewil ji hezar lîreyê kêmtir nîn e. Ev rewşa ez dibêjim jî ji bo dibistanên dewlwtê ne,şert û mercen dibistanên taybet jî ji xwe bê ser û bê binî ne.”

Abdullah Abdullah firoşkarekî din jî gotibû: “Gel ne eşya distînin ne qelem ne jî defter nastînin,di serda jî dibêjin em zaroên xwe jî naşînin dibistanan.”

Rêvebirê Sendîkaya Egitim Sen yê şaxa Amedê, Sadrettin Kaya jî balê dikişîne ser şert û mercên girêdayî coronayê û perwerdehîya ji dûr ve.

Sadrettin Kaya ji Rûdawê re ragihand: “Ji ber ku pandemî heye qelem û defter herwiha tiştên din nayên firotin. Perwerdehîya ji dûr ve jî qet ne mumkûn e lewra ne tablet û jî komputurê kesî nin e.”