Serokomarê Tirkiyê Recep Tayyip Erdoğan li ser biryara Dadgeha Mafên Mirovan a Ewropayê ya di derbarê Selahattin Demirtaş de got, "Biryarên Dadgeha Mafên Mirovan a Ewropayê me eleqeder nakin. Em hemleya xwe li dijî vê biryarê didin."

Serokomarê Tirkiyê û Serokê Giştî yê AK Partiyê Recep Tayyip Erdogan îro sêşemê (20-11-2018)  piştî komcivîna fraksiyona partiya xwe ya li Parlamentoya Tirkiyê bersiva rojnamevanan da.

Recep Tayyip Erdogan li ser biryara Dadgeha Mafên Mirovan a Ewropayê ya di derbarê Selahattin Demirtaş de got, “Biryarên Dadgeha Mafên Mirovan a Ewropayê me eleqeder nakin. Heta îro piraniya biryarên di derbarê rêxistinê de li dijî wê bûn. Li beramberî vê yekê gelek tişt hene, ku werin kirin. Em hemleya xwe li dijî vê yekê didin.”

Erdogan bo pirseke li ser Hevpeymaniya Cumhur a di navbera AK Partî û MHPê de jî got, “Ti pirsgirêkeke Hevpeymaniya Cumhurê tune ye. Em dê hevpeymaniya hilbijartinê guftûgo bikin. Hêvî dikim em dê bo herdu aliyan jî encameke baş bi dest bixin.”

Ji aliyê din ve li ser biryara DMME ya bo Selahatin Demirtaş de Wezîrê Dad a Tirkiyê Abdulhamit Gul jî got, “Biryara dawî dê ji aliyê dadgeha Tirk ve were dayîn. Divê em pêşiyê biryarê bibînin. DMME perçeyekî hiqûqa navxweyî ye. Lê di vê mijarê de dadgeh dê biryara darizandinê bide. Ne rast e ku em tiştekî bibêjin.”