Li bajarê Qersê yê Bakurê Kurdistanê mînîbusek wergeriya û di encamê de 13 kes birîndar bûn, ku 11 ji wan xwendekar in.

Îro Sêşemê li bajarê Qersê mînîbusekê ku xwendekar ji gundê Azat ber bi navenda bajêr vediguhestin li nêzîkê gundê Karacaoren wergeriya.

Di encama bûyerê de 11 xwendekar, bi giştî 13 kes birîndar bûn.

Piştî agahdarbûnê tîmên tendirûstiyê gehiştin cihê bûyerê û birîndar bi ambûlansan bo nexweşxaneyan hatin veguhestin.

Li gor agahiyan rewşa birîndaran baş e.